Orlofshús PFÍ að Illugastöðum nr. 22 er í Fnjóskadal í 45 km fjarlægð frá Akureyri. Húsið var endurnýjað að utan 2016. Með nýrri utanhúss klæðningu, þaki, gluggum og hurðum. Í vetur 2018 var húsið endurnýjað að innan. Nýtt baðherbergi, húsgögn og gólfefni endurnýjuð og svefnherbergjum breytt.
Húsið er 6 manna með 2 svefnherbergjum. Í öðru herberginu er rúm 140x2, í hinu eru 2 rúm 80x2 síðan eru 2 dýnur 70x2. Sængur og koddar eru í húsinu fyrir 6 manns.
Í eldhúsi er eldavél með ofni. Baðherbergi með sturtu.  Á verönd er heitur pottur og gasgrill.  Allur nauðsynlegur búnaður er í húsinu.
Við komu fær leigutaki þrjá borðklúta, tvær diskaþurrkur, gólfmoppu og tvær rúllur af salernispappír. Gott er að hafa með sér auka tuskur og diskaþurrkur. Ræstiefni er í húsunum.
Leigutakar þurfa að hafa með sér rúmföt, handklæði, handsápu, uppþvottalög og salernispappír.

Hægt er að leigja rúmföt og handklæði á staðnum.
Hægt er að fá aukadýnur og sængur í Kjarnahúsi. Barnarúm og stólar eru í öllum húsum.
 Sundlaug er að Illugastöðum sem er opin á sumrin. Minigolf er á svæðinu og kylfur eru leigðar út hjá sundlaugarverði, einnig er fótboltavöllur, blakvöllur og góð leiktæki á leiksvæði við sundlaug.
Gestir orlofsgesta geta fengið að tjalda eða vera með húsbíl, fellihýsi eða tjaldvagna á ákveðnum svæðum en það þarf að fá leyfi hjá umsjónarfólki varðandi staðsetningu. Það eru ekki rafmagnstenglar fyrir tækin á staðnum. Ekki er leyfilegt að tjalda við húsin.  
Skila þarf húsi á skiptidegi fyrir kl. 12 en ef farið er á öðrum tíma þarf að láta vita af því.  Lyklabox er vid útidyr og númer að því kemur fram í samningi.  Sími 462-5909 eða illugast@gmail.com

Heimilisdýr eru ekki leyfð á svæðinu.